Kolegji “Globus” ka nënshkruar marrëveshje bashkëpunimi me Sindikatën e Pavarur të Doganave të Kosovës (SPDK) me dt. 14.09.2018 (E Premte).
Kolegji “Globus” e vlerëson lartë punën profesionale dhe efikase të Doganës së Kosovës e cila është një institucion publik, profesional, i paanshëm dhe transparent. Ajo realizon misionin e saj duke dhënë kontribut të madh në çështjet ekonomike dhe sigurisë në shtetin tonë.
Kjo marrëveshje ka benefite të shumta reciproke të institucioneve. Fokus të veçantë ka krijimin e lehtësirave të zhvillimit të karrierës akademike të pjestarëve të doganës pa shkëputje nga puna si dhe benefite për familjarët e tyre ndërsa për studentët tanë ka benefite në realizimin e punës praktike dhe vizitave studimore në departamente të caktuara në kuadër të Doganës së Kosovës.